Debanament de la Manifestacion

 

■ 10o30 : Jardin André Chenier (davant la gara) luec de partença de la Manifestacion :

Dubertura dau vilatge occitan :

- Mercat dei productors dau Terraire País Catar, estands associatius, mangiscla…

• Vint taulièrs del Vilatge occitan proposaràn long de la jornada del 24 d'octobre las produccions del país :
  • 1 Blanqueta-cartagèna
  • 1 Cartagèna
  • 1 Fromatges
  • 1 Aurelhetas
  • 1 Carnsaladariá
  • 2 Mèl
  • 1 Confits de ceba e autras confituras
  • 1 Confit de ròsa
  • 1 Acuèlh-païsan
  • 1 Cosmetica
  • 1 Candèlas
  • 1 Churros – Bonhetas
  • 7 Vin

- Tendas d’acuelh e d’informacion

- Pontin d’animacion (anóncias, presa de paraula…)

 

■ 13o10 13o30 : Cantem òc ! Jardin Chénier (lòc de depart de la manifestacion)

1 – De bon matin
2 – Lo presonier
3 – Las galèras de Sevilha
4 – Vivem totjorn en montanha
5 – Anem lèu filhetas

■ 13o55 : Recampament de totei jardin André Chénier

6 – Sem montanhòls

■ 14o30 : Partença dau Passa-carrieras.

■ Torn de vila, arribada dins lei liças entre lei dos barris de la Ciutat.

Los pifraires de Gric de Prat acompanhan lo passa-carrièra amb lors escolans.

La compania Balandran (ex: Banda Sagana) sus la fotò.

 

 

 

 

 

 

 

Presa de paraula de la Coordinacion…

■ A la fin de la Manifestacion :

Lo monde aurà la possibilitat de tornar au jardin Chénier, onte seràn d’estands de mangiscla… e d’animacions.

Cants comuns de Cantem Òc…

7 – Maze lo cornelhier
8 – O mon país
9 – La plòv e la fai solelh
10 – La libertat

 

 

Après la contèsta, la Fèsta !

Aprèp la fin del passa-carrièra Anem Òc ! entre los barris de Ciutat, los manifestants e totas aquelas e totes aqueles que se vòlon associar a la jornada se pòdon tornar trapar per un moment convivial e festiu al Jardin André-Chénier.
En mai dels taulièrs del Vilatge occitan (productors del país ; associacions ; punts-repais), un programa musical de qualitat serà presentat entre 20 h e 23 h. Atal, d’en primièr, mantunes grops reprendràn los cants del repertòri Cantem Òc !

■ De 20o a 23o, au jardin André Chénier, a CARCASSONA :

Joan-Francés Tisnèr dobrirà la serada. Lo cantaire bearnés aliga una coneissença aguda de las musicas tradicionalas (en particulièr ambVerd e Blu) a una imaginacion refofanta que lo pòrta a unas creacions novatriças (Suber-Albert ; Lespatlut..)

 

 

 

 

 

 

 

 

 

 

 

Claudi Martí, regional de l’etapa, prendrà la seguida. La prestacion del capdavantièr de la Nòva Cançon Occitana permetrà de mesurar lo camin fait dempuèi Un país que vòl viure e Perqué m’an pas dit a l’escòla.

 

 

 

 

 

 

Quand lo vent de Gasconha bufa dins las bodegas e bohas dels fraires Espinasse e ven tustar las percussions e los Steel Drums de Miquèl Le Meur aquò bolega : rondèu que balha l'envèja de dançar o escoticha que se balha un aire exotic.

 

 

 

 

Cristian Vieussens es flautista, pifraire, contrabassista, compositor e director de companhiá. Se situa al caireforc de las musicas tradicionalas, del jazz e de l’improvisacion. Recèrca lo contacte amb las autras culturas.

 

 

 

 

 

 

Eric Fraj, a la crosada de las culturas occitanas, catalanas e espanhòlas, causís la poësia e l’engatjament tan plan per evocar la Retirada o la Crosada coma tanben per exprimir totes los espers dels òmes e de las femnas.

 

 

 

 

 

 

 

 

 

 

 

 

 

Dani Padpé sera la descobèrta de la serada. Se considèra coma un passaire de danças tradicionalas en s’apiejant sus la practica de las percussions e de l’armonicà en privilegiant los costats cadéncia, ritme e tempò.

Los Pagalhós faràn restontir la votz montanhòla per clavar la serada e vos embelinar amb los cants pirenencs, d’ièr e de demaan e per vos balhar un demai de motivacion e d’enveja de cridar : ¶" Anem Òc ! per la lenga occitana ! " dins l’accion del cadajorn.

 

 

 

 

■ A comptar de 19o30, la Fèsta contunia tanben… a VILAGALHENC (a 9 km) :

Estands de mangiscla e beguda, animacions musicalas…

Camin per anar a VILAGALHENC

Aqueles que las formigas li rosegan los pompilhs pòdon prene la rota de Vilagalhenc. Aprèp un moment-sopar e animacion (tre 19h30), sus la scèna de la Sala Polivalenta se produsiràn a comptar de 21h30, presentats per Laurenç Cavalièr : Coriandre, Lopez en companhiá, La Mal Cofada, Ba'al e Lo Dalfin.

Coriandre

Avant que piquen las 10h de la nuèit, los de Coriandre dobriràn lo talh per anar al rescontre del public. Aquí la recèpta de lor musica : prenètz un bufaire fadòrli, ajustatz un esperit tustaire tarabustat, un pecic de vielaire destibat e demultiplicat, una pèl de gestica bassisto-guitarista … Salpicatz lo tot d’una bona rasada de votz d’Òc e bolegatz, bolegatz …. Atal a la crosada dels camins e dels temps, los pès en Occitania e lo cap dins als nívols, Coriandre destilla una musica gostosa per las aurelhas e los pès.
Lopez en compania

Guilhèm Lopez serà aqueste ser en Companhiá. Fa dètz ans, descobrissiá  la lenga occitana, las musicas tradicionalas e l'interès de las musicas etnicas que contan una istòria e una cultura. Preniá alara consciéncia de sas originas espanhòlas e de son Occitania de naissença. Cantaire e musicaire a temps complet, jòga siá solet, siá per maitas formacions e maites espectacles : Fats e fòls, Sòmis de granada, la Crosada…

La Mal Coiffée

La Mal Cofada, aquò’s sièis voses de femnas. Amb elas, lo cant popular rescontra la carn e torna prene de vam.. Dempuèi son espelida en 2002, La Mal Cofada pèrd pas lo cap e renfortís d’un jorn l’autre son identitat dins la bona umor e la libertat de ton. En posant dins los cants populars occitans, s’empara d’un repertòri a la mesura de son talent e de sa talent per contar lo monde que viu, trabalha, charra…

Ba'al

Lo grop gascon Ba’al afortís que " Shens tradicion que caleré tot tornar inventar cada dia. Shens creacion que'n serem enqüèra a l'atge neolitic ". Enrasigats dins lor país de petits enlà, lor musica a grelhat dins aquel espaci ric e marcat qu’es la tèrra gascona e s’apièja sus la simbiòsi energica dels ritmes de estrànsia populara amb los mai electrics de las boclas electronicas per un Mistic bal de Gasconha

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Lo Dalfin

 Los musicaires de Dalfin venon  las Valadas Occitanas d’Italia amb una musica basada sus una coneissença menimosa de la tradicion que se mescla als estiles mai modèrnes dins una descobèrta de camins novèls. Los recitals son atal unes moments d’estrambòrd e d’engatjament dins una amira d’esper pel pòble occitan. Las interpretacions vos menaràn dins unas danças endiabladas per véncer la nuèit e esperar lo retorn de l’alba dels trobadors.