Skip to Content
Lenha seca e pan caud tenon l'ostal plan regaud (content).

PirateBòcs - la PirateBox occitana se quilharà pel passacarrièira bèl de Rodés

La PirateBox, de qu'es ?

Las captaduras d'ecran / les captures d'écran

Es una aisina que crea un malhum WIFI pichonèl al entorn d'ela. Aquel ret non es connectat al Internet, per rason de securitat. Aquò porgís un mejan d'escambi completament privat e sens cap de traças. Son usatge es espandit en zòna de guerra per los jornalistas que vòlon dintrar en contacte al amagat amb lors informators. Òm pòt daissar un messatge e un fichièr dins lo panèl de conversa.

I a tanben una utilizacion qu'es artistica dins la dralha del Art Liure*, es una mena de DATZIBAO numeric. Cadun pòt daissar una contribucion a son grat, una fòto, un dessenh, un poema, ...

Pel moment se trobaràn las cançons e las afichas del passacarrièira e benlèu mai, çò que botaretz.


Per daissar messatges o fichièrs es plan simple.

  • Sarra te de la PirateBòcs, amb un telefòn afirolet o un ordenador barutlaire.
  • Connecta te la WIFI sus « PirateBox occitane », puèi lo navegador WEB te trobarà la pagina captiva quasi automaticament (totas las adrèiças i menan mas cal insistir un pauc).




Per portar pèira o legir soncament.

  • Clica sul ligam 2 que te menarà al panèl de conversa.
  • Pica ton messatge (Subjècte e comentaris), i a pas que dos botons
  • Apond  ton fichièr amb lo second .


! Gara, doblide pas de metre ton senhal o mot de Santa Clara, aital poiràs escafar ton comentari a ton grat.

  • Sosmet ton messatge amb lo primièr boton («sosmetre»)




Per acabar, la PirateBox es un projècte dubèrt, evolutiu, que cadun se 'n pòt  far una.  Una bòistia WIFI menudèla, lo router, cola 35 euros (TP-Link MR3020) cal i apondre una clau USB. Per èsser plan vesidors, los comentaris son pr'aquò chifrats dins la clau USB, lo fichièrs eles son chifrats o non segon la volontat del autor (per los escambis dangièroses en zòna de guerra).   

«La tecnologia sens empachas, lo malhum sens empachas son reivendicacions nòstras.» Font Dubèrta

http://osca-oc.org/piratebox - la pirateBòcs
http://www.romainbellina.fr/piratebox - la recepta de la PirateBox
http://piratebox.c.la/ - la recepta mai simpla e lo manifest


* Demest aqueles i a d'artistes que sagèlan una clau USB claufida de lors òbras dins la paret seguir «Deaddrops».
http://deaddrops.com/db/?page=view&id=1113